• |
ide | kryesore

Majko: Pa opozitën në zgjedhje rrezikojmë të degradohemi në një regjim

Lajme, Të fundit



Ministri për Diasporën, Pandeli Majko u shpreh sot në Kuvend se PS rrezikon degradimin në regjim duke u futur në zgjedhje pa opozitën. Sa i takon dekretit të presidentit Meta për anullimin e zgjedhjeve të 30 qershorit, Majko u shpreh se duhet regjistruar si një akt jo kushtetues.

“Shqipëria rrezikon të bjerë në informalitet legal në mungesë të zgjedhjeve, teknikisht zgjedhjet pa opozitën nuk mund të konsiderohen normale dhe ne rrezikojmë degradim në regjim. Kjo situatë nuk është produkt, por pasojë e vendimeve të opozitës jashtë Kuvendit. Ajo e vlerësoi bojkotin si mekanizëm për të shkuar në zgjedhjet e përgjithshëm të parakohshme.  Kriza aktuale është pasojë e një politike opozitare që vepron sipas parimit të gjitha ose asgjë. Ky është gabimi i rëndë.

Partia Socialiste duhet të negociojë krizën edhe me trupën parlamentare që ka hyrë në Kuvend nga listat zëvendësuese të opozitës, çdo vendim duhet të kalojë nga votimi në Kuvendin e Shqipërisë. Sot politika në mungesë të Gjykatës Kushtetues nuk ka mundësi legale të negociojë afatet e Kushtetutës së republikës së Shqipërisë për zgjedhjet, por ky Kuvend ka të drejtë të ndryshojë Kushtetutën bazuar mbi këtë eksperiment negativ që po ndodh. Grupi i opozitës në Kuvend duhet respektuar për propozimet për ndryshimin e sistemit elektoral, pavarësisht se me deputetë të rinj, ata kanë të drejtë t’i japin historisë së këtij Kuvendi, vendimin dhe vlerësimin publik për to. Dekreti i Presidentit duhet regjistruar si një akt jo kushtetues dhe jam dakord me propozimin e këtij qëllimi.

Presidenti ka gabuar dhe ka krijuar një problem. Ilir Meta është zgjedhur Presidenti nga Partia Socialiste, ai është produkti ynë.”, theksoi Majko.



8 Comments

  1. Ky don te behet ‘dash’ I deleve qorre,
    Shume vone,nuk. te ngjet tani, delet po shkojne ne hije te fikut. Lali P po I genjen me fiq.

  2. O pandi e sheh ti parlamentin ne cfar gjendje eshte ? Po te pakten ne kohen kur ishe kryeminister i kishte ce njerez te hajrit. O ooo pandi ju ta filloni evolucionin mbrapsht. Po kujt i flet.

  3. Ky eshte =Kamelon-nuk eshte politikan .Keti i dha nje ministri -koti-sa quhet e emigracionit dhe diaspores ,ja mbylli pak gryken ,e c’shkruaj dhe une ,ai te mbyllur e kishte qe kur tradhetoi -Nanon,Meten .

  4. Pandi un nuk jam komunist as mos mu boft as qeni,po’ dje kur ste pashe ne kosove mes personaliteteve nuk me erdhi mire.
    Megjithate beje te mire hidhe ne det
    Se e gjen ne kripe

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *