Kevin Durant është operuar tashmë në tendinën e Akilit, pas dëmtimit të pësuar dhe ndërhyrja ka përfunduar me sukses. Lajmin e ka dhënë vetë ylli i Golden State Warriors me një foto e një postim në Instagram: “Tani rikuperimi do të jetë një udhëtim i gjatë, por e di se mund tia dal, sepse jam një që e dashuroj basketbollin. Nuk jam penduar që kam luajtur”.
Mbi dëmtimin është kthyer të flaës edhe tekniku Steve Kerr: “Ishte një zgjedhje e marrë nga të gjithë: mjekët, Kevin e nga agjenti i tij e mendimet që kërkuam gjatë katër javët e fundit si dhe testet që kryem. I kaloi të gjitha e kështu u vendos të ishte në fushë. Gjëja më e keqe që mund të mendonim ishte një përkeqësim i dëmtimit në pulpë. Këputja e tendinës së Akilit nuk ishte menduar kurrë: ishte një tronditje totale. Nëse do ktheheshim pas, me informacionet që kishim do të merrnim përsëri të njëjtin vendim”.
MESAZHI I KD35
“Dua tiu njoftoj: në fund është kështu, këputa tendinën e Akilit. Operacioni ka përfunduar me sukses, EASY MONEY. Udhëtimi drejt rikthimit në fushë fillon tani! Kam në krah familjen time, njerëzit e dashur, e kemi vlerësuar mesazhet e shumta që njerëzit kanë dërguar. Ashtu si thashë të hënën, po vuaj shumë, por jam OK. Basketbolli është dashuria më e madhe e atë ndeshje doja shumë të isha sepse roli im është të luaj basketboll. Doja të ndihmoja shokët, por gjërat shkuan si shkuan, por jam krenar se dhashë gjithcka, ashtu si jam krenar për fitoren e shokëve. Tani rikuperimi do të jetë një udhëtim i gjatë, por e di se mund tia dal, sepse jam një që e dashuron basketbollin. E di që vëllezrit mund ta fitojnë ndeshjen-6 e unë do të bëj tifo për ta ndërsa do të jenë në fushë për të marrë këtë fitore”.