Një 51-vjeçar shqiptar që punonte si roje nate për një kompani greke në Athinë është vrarë barbarisht në krye të detyrës.
Rreth orës 02.30 një bandë hajdutësh theu bravat e kompanisë greke në Koridhalo, kapën rojen, e lidhën dhe e goditën disa herë në kokë. Vajza e viktimës ishte ajo që nxitoi për në vendin e ngjarjes, pas një telefonate të shkurtër që arriti të bënte gjatë çasteve të fundit para sulmit të egër vetë 51-vjeçari. Ajo e gjeti babain në çastet e fundit të jetës dhe lajmëroi menjëherë policinë.
Fatkeqësisht, 51 vjeçari shqiptar humbi jetën sapo arriti në spital, ndërkohë që policia bën të ditur se veglat që vodhën grabitësit e që i morrën jetën rojes fatkeq kanë një kosto minimale, fare pak euro për të justifikuar një akt të tillë kriminal. Hetimet vazhdojnë lidhur me këtë ngjarje.