• |
ide | kryesore

Reagon Damian Gjiknuri: Përgjimi i BILD është përkthyer qëllimisht keq

Lajme



Ish-ministri i Infrastrukturës Damian Gjiknuri, njëri prej atyre që përmendej në përgjimet e BILD si i përfshirë në aferat e manipulimit të votave në zgjedhjet lokale të Dibrës ka bërë një reagim për atë që ka ndodhur. Ai nuk i mohon telefonatat, por thotë se ia kanë transkriptuar keq fjalët pasi sipas tij në shqip ai nuk ka thënë asgjë të kundërligjshme.

“Referuar publikimeve të fundit në media rreth procesit zgjedhor në Bashkinë e Peshkopisë në vitin 2016, me synim transparencën dhe hedhjen poshtë të spekulimeve të qëllimshme sqaroj se për periudhën për të cilën bëhet fjalë kam mbajtur funksionin e drejtuesit politik të PS në Qarkun Dibër.

Në bisedat e mia telefonike të publikuara audio në gjuhën shqipe, nuk ka asnjë veprim që bie ndesh me ligjin apo shkon përtej komunikimit normal organizativ mes shtabit elektoral në një fushatë.

Çdo pretendim tjetër është deduksion politik i qëllimshëm, madje edhe transkriptim dhe koment i pavërtetë në raport me atë çka thuhet me zë prej meje apo asaj çka përfaqësojnë bashkëbiseduesit” – thotë Gjiknuri në një postim në Facebook.

“Natyrisht, ky spekulim bëhet qëllimshëm për të njollosur fitoren e merituar të kandidatit të Partisë Socialiste dhe punën organizative të të gjithë koordinatorëve elektoral ashtu dhe timen si drejtues politik.

Duke qenë se çështja është në hetim nga prokuroria nuk është normale që unë të flas me detaje për këtë proces. Mbështes dhe inkurajoj prokurorinë të hetojë çdo element, pretendim apo qoftë dhe indicie për veprimtarinë e kujtdo përfaqësuesi të Partisë Socialiste të angazhuar në këtë proces zgjedhor.

Gjithashtu, publiku duhet të dijë se si ka mundësi që Prokuroria e Krimeve të Rënda në atë kohë, ka përfshirë në përgjim të gjithë shtabin elektoral të PS me vetëm një kallëzim nga subjekti kundërshtar Partia Demokratike, madje e ka regjistruar hetimin për korrupsion dhe jo për shitblerje votash!?” – shkruan Gjiknuri. ©LAPSI.al



2 Comments

  1. Hahahajahahaha. Edhe zerin ta perkthyen??? Te hudhka gruja ne ajer dhe qihet 3 here o Damian! Meqe je kokrra karit ti do behemi dhe ne???! Nejse komplimente per zerin e trashe ne telefon se ti te ha karin ne rrealitet

  2. Keta jane shejtan njerez jo njerez. Keta nuk duan Zot as pjellat e veta. E keqja e vetvetes i zente dhe i vente perfund. Qenie ordinere qe nuk i kane njehere ne jeten e tyre njerzillekut mirmengjes .

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *