Inter po bëhet gati të lëvizë në merkato për ti dhënë Antonio Conte skuadrën që dëshiron. Në kohën, kur po studiojnë me kujdes shitjen e Mauro Icardi, për të arkëtuar të ardhura të rëndësishme për ti shpenzuar për Romelo Lukaku, që e konsideron të mbyllur aventurën tek Manchester United, zikaltrit janë fokusuar për ti krijuar një sulm potent teknikut të ri.
Mbërrin nga Franca bomba e merkatos për Inter. Sipas France Football, drejtuesit e klubit milanez i kanë ofruar Lille 90 milionë euro për Nicolas Pépé. Lojtari është një njohje e vjetër për Inter, që edhe në prill bëri një tentativë që shkoi dëm, duke i ofruar francezëve 60 milionë euro. Për lojtarin duhet mundur konkurenca e Atletico Madrid, që është në kërkim të zëvendësuesit për Antoine Griezmann.