Naomi Watts, një ndër interpretueset e serialit të ardhshëm prequel të “Game Of Thrones”, deklaroi se fansat nuk do të zhgënjehen.
“Bloodmoon”, që sapo ka nisur xhirimet në Irlandën e Veriut, do të ambientohet mijëra vjet më parë nga seriali origjinal. Gjatë një interviste për “AP Entertainment”, Watts tha: “Është tepër emocionuese të jesh pjesë e një seriali, titulli i të cilit çmendi botën. Fansat do të gjejnë diçka të re dhe interesante edhe në këtë spin-off. Nuk kanë për t’u zhgënjyer, jam e sigurt. Është një skuadër e jashtëzakonshme që po punon në këtë drejtim”.