Një aksident i rëndë ka ndodhur në Lushnje, me pasojë vdekjen e një 18-vjeçari. Policia raporton se një mjet tip “Benz” me drejtues 22-vjeçarin M. Sh. është përplasur me disa mjete në rrugë, duke i marrë jetën njërit prej pasagjerëve.
Sipas uniformave blu, 22-vjeçari është përplasur fillimisht me një “Benz” të drejtuar nga 31-vjeçari B. Sh. dhe më pas me një mjet tip “Jaguar” me drejtues 33-vjeçarin G. Q.
Nga përplasja ka mbetur i vdekur në vend 18-vjeçari K. Sh., nga Lushnja, i cili udhëtonte në mjet me autorin e aksidentit, si dhe janë plagosur dy drejtuesit e mjeteve të tjera.