Sulmuesi i Paok në kampionatin grek, Amr Warda, shok skuadre me mbrojtësin e përfaqësueses së Shqipërisë, Enea Mihaj, i sapotransferuar atje, ka dërguar një video hard një vajze, duke e ftuar të bëjë të njëjtën gjë. Ajo ka zgjedhur një version tjetër, duke postuar gjithcka në rrjetet sociale, duke shkaktuar përjashtimin e menjëhershëm të lojtarit, që lë Kupën e Afrikës për ngacmim seksual me telefon. Ky është fati i trishtë i Warda dhe Egjiptit, organizator i turneut.
25 vjecari ka nisur të shkëmbejë mesazhe me një vajzë të sapo njohur në rrjetet sociale e kur ai ka nxehur bisedën, duke i nisur një video me sfond seksual, vajza, Giovanna Val, ka postuar gjithë bisedën në faqen e saj në tëitter (@sangredeleyenda), duke ekspozuar Warda përpara publikut.
Brenda kombëtares nuk e kanë pëlqyer këtë gjë e Federata ne një komunikatë ka bërë publik masën e përjashtimit, “pasi janë konsultuar me stafin teknik e administrativ, në optikën e mbajtjes së disiplinës dhe përqendrimit të skuadrës”.
Para fillimit të Kupës së Afrikës një tjetër lojtar, mesfushori algjerian Alexandre Oukidja, ishte përzënë nga grumbullimi sepse kishte nxjerrë të pasmet në lidhje live gjatë një ndeshje në lojën Fortnite.