Brenda muajit korrik, Këshilli i Emërimeve në Drejtësi përfundon verifikimin e të gjithë kandidatëve për gjyqtarë në Gjykatën Kushtetuese dhe inspektorë të lartë të drejtësisë.
Ardian Dvorani, kryetar i KED sqaroi se ky proces nuk mund të quhet i përfunduar nëse kandidatët nuk kalojnë procesin e Vettingut, duke mos dhënë një datë se kur Gjykata Kushtetuese do të jetë funksionale.
“Në ditët e ardhshme, Këshilli do të marrë vendimet përkatëse në lidhje me 23 kandidatët. Lejimin ose ndalimin e kandidimit për ta. Ajo që e mban Këshillin për të mos e përfunduar këtë procedurë është që Komisioni i Pavarur i Kualifikimit duhet të përfundojë shqyrtimin e dy rasteve që janë dy kandidatë për gjyqtarë”, thotë Dvorani, citon Tv Klan.
Gjykata më e rëndësishme e vendit është vetëm më një anëtar dhe nuk mund të shqyrtojë çështje, pasi pjesa më e madhe e gjyqtarëve u shkarkuan nga Vettingut. Aktualisht në Gjykatë presin të shqyrtohen rreth 80 dosje dhe numri pritet të rritet.
Ska per te perfunfuar kjo farse, qellimisht shtuhet pafund
Kandahar Qelbistan Fiset Zulu
Kryeqyteti Surrel