Një aksident i rëndë ka ndodhur këtë mbrëmje në hyrje të Shëngjinit në afërsi të Lapidarit ku ka humbur jetën një i ri ndërsa shoku i tij është plagosur. Sipas policisë një automjet që drejtohej nga kosovar me iniciale L.Ç. banues në Prizren ka goditur një motorçikletë ku udhëtonin të rinjtë.
Policia thotë se si pasojë e përplasjes, ka ndërruar jetë drejtuesi i motoçikletës shtetasi E.N, ndërsa është transportuar në spitalin e Traumës në gjendje të rëndë për jetën shtetasi A.P.,banues në Lezhë që ndodhej si pasagjer në motoçikletë.
Vazhdojnë veprimet e policië në vendngjarje për sqarimin e rrethanave të aksidentit. Dëshmitarët në vendin e ngjarjes thanë se ambulanca është vonuar për të shkuar në vendngjarje dhe të lënduarit kanë qëndruar rreth 30 minuta të shtrirë në tokë në gjendje të rëndë. ©LAPSI.al