• |
ide | kryesore

PD rinovon kontratën me firmën e lobimit në SHBA: 10 mijë dollarë në muaj për…

Lajme, Të fundit



Në mes të qershorit Partia Demokratike ka firmosur një kontratë të re lobimi me “Sonoran Policy Group”, e cila synon të ndërtojë një strategji në luftën kundër drogës dhe krimit të organizuar për opozitën shqiptare. Sipas të dhënave të bëra publike nga Departamenti i Drejtësisë në SHBA, kontrata midis Partisë Demokratike dhe Sonoran Policy Group kap një vlerë 10 mijë USD në muaj për një total prej 40 mijë USD dhe është nënshkruar me 11 qershor nga Sekretari i Përgjithshëm i PD-së, Gamend Bardhi.

Sipas kontratës, firma armerikane e lobimit pritet të punojë me partinë opozitare shqiptare për të ndërtuar një strategji kundër drogës dhe krimit të organizuar, si dhe të ndihmojë PD-në për të siguruar takime me zyrtarë të administratës në SHBA.

“Konsulenti do të punojë me opozitën shqiptare për të ndërtuan një strategji kundër narkotikëve dhe kundër krimit të organizuar, si dhe të mundësoj takime dhe ndërveprime me zyrtarë të administratës, kongresit dhe pushtetit ekzekutiv në SHBA,” shkruhet në kontratë.

“[Konsulenti] gjithashtu do të punojë me agjencitë vendore [në SHBA] dhe ato ndërkombëtare për të luftuar epideminë e krimit të organizuar [në Shqipëri],” shton kontrata.

Kontrata e firmosur në 11 qershor, nuk është kontrata e parë e lobimit që Partia Demokratike ka firmosur me Sonoran Policy Group. Në vitin 2018, Partia Demokratike ka pasur një kontratë të ngjashme me këtë firmë lobimi me zyra në Uashington DC.

Sonoran Policy Group udhëhiqet nga Robert Stryk, një ish këshilltar i fushatës së Presidentit Donald Trump nga Oregon.

Sipas dokumente të publikuara nga Departamenti i Shtetit, në vitin 2017 Partia Demokratike shpenzoi 825 mijë USD në disa kompani lobimi në SHBA. Ndërkohë, në Komisionin Qendror të Zgjedhjeve partia opozitare shqiptare ka raportuar shifra më të ulëta për shpenzime konsulence.

Ekspozimi i të dhënave kontradiktore mbi shpenzimet e lobimit nga BIRN në nëntor 2017, e shtyu Prokurorinë e Tiranës të hapte një hetim ndaj Partisë Demokratike.

Dy vjet më vonë, në prag të zgjedhjeve vendore të 30 qershorit, Prokuroria e Tiranës mori të pandehur 4 zyrtarë të Partisë Demokratike, përfshirë liderin e saj Lulzim Basha, të dyshuar për pastrim parash dhe falsifikim dokumentesh në lidhje me pagesat për lobistët në SHBA.

Zoti Basha dhe zyrtarët e tjerë të PD-së i kanë mohuar akuzat dhe e kanë përshkuar hetimin e prokurorisë si të motivuar politikisht./Reporter.al



3 Comments

  1. Ku i gjeti keto lek PDja perderisa ka 6 vjet qe nuk eshte ne pushtet?!Pale po justifikohet qe lobon per luften kunder krimit te organizuar dhe nuk e thote troç qe paguan lek kot vetem per te bere ndonje fotografi me ndonje nenpunes te departamentit apo per ti dhene doren Trampit,o moj Shqypni e mjera Shqypni….

  2. 40 mije dollare? Hajdutet e PD po vjedhin gati 2 metra rruge pa TVSH nga Unaza e Re per t’i cuar ne nje shoqeri koti? Ne burg sa me shpejt. Dikush tjeter pyet per Gazmend Bardhin ne eshte gay? Nga menyra se si flet ashtu duket ne fakt. Por Nafija e shoqja e Bilalit e ka shoqe te ngushte gocen me syze te mikut te madh Soros, ndersa zevendesi i Nafijes qe po pergatitet te marre frenat e rilindjes ne dore ka edhe foto se bashku me PR e Nafijes te veshura si goca. Sepse jane te tilla, apo duan te jene te tilla, e keni shume kollaj t’i pyesni. Ne fund te fundit ose jeni vete qe shkruani, ose ju ndersejne qe te shkruani. Vetem nje dicka, Nafija me te vertete i kishte lyer buzet para takimit me kandidatin Obama?

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *