Pau Lopez është njeriu me të cilin Roma do të blindojë portën. Verdhekuqtë kanë dëshirën ta mbyllin tratativën me Betis brenda kësaj jave. Vlera e porterit është rreth 20 milion euro, të cilës do t’i shtohet një përqindje, në rast të një rishitje të mundshme. Drejtori sportiv salentin Petracchi, që të martën ka takuar ndërmjetësin e operacionit, dëshiron t’i dhurojë blerjen e tretë (pas Spinazzola dhe Diaëara) teknikut Fonseca, në kohë për të nisur grumbullimin e fiksuar për në 9 korrik.
Portieri spanjoll e ka dhënë tashmë aprovimin e transferimit të tij. I datëlindjes 1994, i lindur në Girona, Lopez është i gjatë 189 centimetra dhe vitin e kaluar (31 gusht) ka debutuar me kombëtaren ndaj Bosnje-Hercegovinës. I aftë në dalje dhe mbi të gjitha me topin ndër këmbë, karakteristika që e lejojnë ta rinisë menjëherë aksionin, Lopez shihet si siguria për të zëvendësuar Olsen, që sezonin e kaluar la shumë për të dëshiruar.
Fonseka e pret. E së bashku me portierin do të jetë i kënaqur edhe për Mançinin. Mbi mbrojtësin, në fakt, Petrachi përparon pa u ngutur. I vetëdijshëm për vullnetin e Atalantas për ta shitur qendërmbrojtësin (vlerësuar 25 milion), Roma nuk kërkon të shkojë përtej 20. Mes të tjerave me një formulë që do të mund të lejonte uljen e pagesës sa më shumë të ishte e mundur.