Roland Hysi, gjyqtari i Fierit i akuzuar për korrupsion do të vijojë të qëndrojë në paraburgim. Gjykata për Krimet e Rënda në Fier refuzoi kërkesën e gjyqtarit Roland Hysi, i akuzuar për korrupsion, për ndryshim të masës së sigurisë “arrest me burg”.
Që prej muajit janar, Hysi qendron në paraburgim, pas publikimit të një video-përgjimi të programit investigativ “Stop”, ku shfaqej duke i kërkuar palës në gjykim, favore seksuale dhe para në këmbim të dhënies së kujdestarisë së fëmijës.
Në kamerën e fshehtë përfshihen disa gjyqtarë dhe psikologia Elona Meçani, që bën edhe rolin e sekseres.