Rona Nishliu është shtatzënë për herë të parë e këtë lajm të ëmbël këngëtarja e dha pak kohë më parë me një shkrim në kopertinën e albumit të ri.
“Ky album shkon për ty, që jam duke të mbajtur prej disa muajsh brenda meje, duke pritur ende për takimin e parë. Ti dhe të gjithë fëmijët duhet të zbuloni se çfarë e inspiron muzikën tonë kombëtare dhe regjionale”, janë fjalët e shkruara në albumin e Ronës.
Gjatë kësaj kohe, këngëtarja është treguar e rezervuar në postimin e fotove me barkun e rrumbullakosur.