• |
ide | kryesore

Zyrtare: Berisha është portieri i ri i Spal

F1, Sport

Tani është zyrtare. Spal ka komunikuar në faqen e saj zyrtare se ka blerë nga Atalanta Etrit Berisha. Portieri i kombëtares shqiptare, do të transferohet tek bardhekaltrit me formulën e huazimit me të drejtën e blerjes të detyruar sipas kushteve të paracaktuara. Shuma e transferimit që klubi italian ka rënë dakord të paguajë sillet në total rreth 3 milionë euro.


Berisha e kishte bërë të qartë se do të pranonte transferimin vetëm nëse i garantohej fanella e titullarit, përndryshe do të qendronte si zëvendësues i Gollini. Portieri i përfaqësueses shqiptare, protagonist absolut me fanellën bergamaske gjatë rrugëtimit në Europa League të sezonit 2017-2018, që u ndërpre vetëm nga humbja përballë Borussia Dortmund, e humbi vendin si titullar në kampionatin e kaluar, përballë Pierluigi Gollini, që për ironi të fatit është rritur pikërisht tek Spal.


I etur të kthehet e të luajë titullar, edhe pse prespektiva Champions e ka joshur jo pak, Berisha ka vendosur të jetë portiere titullar i teknikut Leonardo Semplici. Largimi i Emiliano Viviano, me destinacion Sporting Lisbonë, ka bërë që drejtuesit e SPAL të kërkojnë një portier që jep garanci, duke e konsideruar Alfred Gomis një alternativë.

Portieri i përfaqësueses shqiptare e ka nisur karrierën me formacionin suedez të Kalmar nga 2008 në 2013. Në Serie A, 30 vjecari, mes Lazio e Atalantas, ka koleksionuar në total 112 prezenca.

Lini një Përgjigje

Adresa juaj email s’do të bëhet publike.

Kthehu