Qeveria britanike ka njoftuar për nisjen e hetimeve mbi rrjedhjen e dokumenteve të fshehta, në të cilat, përfaqësuesi i tyre diplomatik në Shtetet e Bashkuara, Kim Darroch, kritikon administratën e presidentit amerikan, Donald Trump, duke e cilësuar si “të ngathët” dhe të “paaftë”.
Në dokumentet që datojnë nga viti 2007 deri në ditët e sotme, ambasadori ka thënë se administrata Trump është “e ngathët dhe e paaftë në diplomaci” dhe se nuk do të mund të bëhej “më normale në thelb, më pak jofunksionale dhe më e pak e paparashikueshme”. Ministria e Jashtme britanike nuk e ka kundërshtuar saktësinë e dokumenteve.
Lidhur me rastin në fjalë, presidenti Trump tha për gazetarët se ambasadori Darroch “nuk i ka shërbyer mirë vendit të tij”. “Ne nuk jemi admirues të atij njeriu”, është shprehur kreu i Shtëpisë së Bardhë.