« I papërshtatshëm », « jo stabël », « inkopetent »… në një seri kabllogramesh që kanë rrjedhur të publikuara në 7 korrike nga tabloïdi “Mail on Sunday” , sër Kim Darroch (poshte), ambasadori britanik në ShBA bën një portret asgjesuaes të Donald Trump duke e informuar vendin e tij se Shtëpia e bardhë “është unike në disfunksionimin e saj” dhe se mandati i presidentit mund të përfundojë me turp.
Media të ndryshme po qarkullojnë një informacion që vë në dukje dyshimet e mëdha që provokon personaliteti i Donald Trump edhe brenda aleatëve më të ngushtë të SHAB-ve. Në memon e ambasadorit britanik në SHBA, Kim Darroch, hartuar në vitin 2017 dhe drejtuar qeverisë së tij, thuhet: “Rrezaton pasiguri. Me të duhet që t’i bësh të thjeshta parashtrimet, madje duhet të flasësh troç”.
Sipas këtyre dokumenteve duket se Trump ka vënë në pikëpyetje sigurinë e Perëndimit me paparashikueshmërinë e tij . “Nuk besojmë realisht se kjo administratë do të bëhet në thelb më normale, më pak jofunksionale, më pak e paparashikueshme, më pak e ndarë, më pak e paaftë…”citohet ai të ketë shkruar diplomati në njërën prej memove.
Gazeta ka publikuar edhe një memo të muait të shkuar, pra qershor 2019, ku Darroch jep gjykimet e veta se përse Trump ndryshoi mendje për të sulmuar Iranin.
Ka më shumë gjasa që ai nuk e ndjente asnjëherë se duhej të sulmonte dhe si ishte i shqetësuar për atë sesi do të dukej një gjë e tillë në vitin 2020 në raport me fushatën e vitit 2016 shkruan Darroch.
Ministria e jashtme britanike nuk e ka mohuar vërtetësinë e kabllogrameve por ajo ka komentuar se britanikët presin që në raportet e tyre diplomatët të shkruajnë mendimin e tyre real, pavarësisht se ai nuk mund të jetë qëndrimi i qeverisë. ndërsa shefi i partisë së Brexit, Nigel Farage, ka kërkuar shkarkimin e ambasadorit në Uashington.