Në fillim të sezonit që lamë pas, Anjeza Maja u largua nga programi “Në Shtëpinë tonë” në Top Channel për të nisur një eksperiencë të re në një tjetër lloj programi.
Maja u zhvendos në televizionin “ERTV” dhe moderoi projektin “E zgjidha”, një rubrikë që trajton kauzat sociale dhe që transmetohet çdo javë. Por Anjeza nuk do të jetë e angazhuar vetëm me këtë projekt. Sot ajo ka zbuluar se do të kthehet në një nga programet më të dashur për shqiptarët, “Maratona e Këngës”.