Koncesionari i “Rrugës së Kombit” ka njoftuar se të gjithë personat invalidë që zotërojnë një automjet të regjistruar në emrin e tyre, do të përfitojnë nga heqja e taksës së rrugës.
Mësohet se ky vendim erdhi menjëherë pas ankesave të shumta të qytetarëve.
Ndërkohë, tarifa e rrugës që ka filluar të zbatohet që prej 15 prilit të vitit të kaluar, vijon të mbetet 5 euro për çdo kalim, për veturat e vogla dhe 10 euro për autobusët dhe kamionët.
Vendimi për taksimin e “Rrugës së Kombit” nuk është pritur aspak mirë nga banorët e zonës, por dhe nga qytetarë, të cilët për disa ditë kanë zhvilluar protesta të dhunshme dhe përplasje me Policinë.