• |
ide | kryesore

(VIDEO) Arrestohet në Tiranë terroristi rus

Arkiva, Lajme, Të fundit



Policia e Shtetit arrestoi një rus me qëllim ekstradimin drejt shtetit të Rusisë.

34-vjeçari R.M. është dënuar nga gjykata ruse për pjesëmarrje në organizatë kriminale, pasi ka luftuar në Siri. Uniformat blu bëjnë me dije se ai ka hyrë në territorin shqiptar si emigrant i paligjshëm, ndërsa sot u ndalua.

Njoftimi i policisë:

Bashkëpunimi me agjencitë ligjzbatuese partnere dhe ato të inteligjencës, vë në pranga një të kërkuar për terrorizëm. Lokalizohet, identifikohet dhe arrestohet me qëllim ekstradimin drejt Rusisë, një 34 – vjeçar rus i kërkuar për “Pjesëmarrje në organizatë terroriste”.

Drejtoria e Antiterrorit në Policinë e Shtetit, pas një pune disamujore, duke koordinuar veprimet me shërbimet ligjzbatuese partnere dhe ato të inteligjencës, lokalizoi, identifikoi dhe arrestoi me qëllim ekstradimin drejt Rusisë, shtetasin:

– R. M., 34 vjeç, lindur dhe banues në Norilsk, Rusi.

Ky shtetas ka ardhur si emigrant i paligjshëm në Shqipëri dhe ishte shpallur në kërkim nga Interpol Moska, pasi Gjykata e Rrethit Gjyqësor në Nadterechni, republika Çeçene / Rusi, me vendim penal të datës 08.04.2015, ka lëshuar urdhër – arrestin për këtë shtetas, për veprën penale0 “Pjesëmarrja në organizatë terroriste”, parashikuar nga Kodi Penal rus.

Në Qershor të vitit 2013 ky shtetas është larguar nga Rusia për në Siri, ku i është bashkuar një grupimi ilegal të armatosur, të ashtuquajturit “Shteti Islamik” (ISIS), duke qenë pjesëmarrës aktiv në luftime kundër forcave qeveritare në Siri.

Materialet e para hetimore të kryera për këtë ngjarje, i janë referuar Prokurorisë Pranë Gjykatës së Shkallës së Parë për Krime të Rënda Tiranë, për veprën penale “Pjesëmarrja në veprime luftarake në një shtet të huaj”, parashikuar nga neni 265/a i Kodit Penal të Republikës së Shqipërisë.



5 Comments

  1. Gjykatat e rusise si gjykatat e shqiprise dhe te turqise. Po rusia qe mbeshtet asadin kasapin e popullit te vet me 2000000000 te larguar dhe 600000 te vrare mes tyre gra e femije si quhet??!! Pirdhuni te gjithe. Kafshe te zeza.gajaset dynjane . Kjo dynja mbushur me injorante.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *