Një aksident i frikshëm është regjistruar mëngjesin e sotëm në by-passin e Lushnjes. Një automjet tip “Benz” mësohet se është përplasur me një kamion.
Përplasja ka qenë e fortë dhe të dy automjetet kanë përfunduar të përmbysura jashtë korsisë së rrugës.
Si pasojë e aksidentit ka mbetur i plagosur rëndë drejtuesi i makinës “Benz”, i cili është transportuar me urgjencë drejt spitalit për mjekim. Policia ka nisur hetimet për rrethanat dhe shkaqet e aksidentit