• |
ide | kryesore

Dëshmitë/ Si ndodhi tragjedia në kanionin e Holtës

Kryesore, Lajme

Një tragjedi ka ndodhur sot në kanionet e Holtës në Gramsh. Një vajzë 25-vjeçare, pjesë e një grupi turistësh shqiptarë është gjetur e mbytur në orët e pasdites së të dielës. Vajza është identifikuar si Desantila Sallaku nga fshati Savër i Lushnjës.

Familja e saj kishte vendosur të kalonte fundjavën në Holtë meqë vëllai, Denisi sapo ishte kthyer nga Gjermania. Familja e 25-vjeçares merret me tregtinë e produkteve ushqimore.

1563133443_dezantilasollaku.jpg
Viktima

Lajmi u përhap me shpejtësi rreth orës 16.00. Gjithçka nisi nga një telefonatë që u bë në polici se një grup turistësh kishin mbetur brenda në kanion. Shkak për këtë tragjeti u bë rritja e menjëhershme e prurjeve të ujit në lumë i cili u bë mjaft i rrëmbyer. Dëshmitarët në vendin e ngjarjes thanë se kishin parë shumë persona të hynin në kanion. Ata tregojnë se ky lumë bëhet mjaft i rrezikshëm edhe nëse nis të bjerë shi në lartësinë e maleve pasi përrenjtë mbushen dhe rritin menjëherë prurjet në lumë.

“Kjo që ndodhi është hera e parë. Nuk ka njeri që t’i udhëzojë turistët. Vetëm ajo që u themi ne” – tha njëri prej tyre për mediat.

Një tjetër banor thotë se turistët nuk e kuptuan atë që po ndodhte.

“Ngjarja ndodhi si pasojë e shirave të menjëhershëm. Turistët u futën por s’e kuptuan rrjedhjen e lumit. U mobilizuan të gjithë, por uji ishte i menjëhershëm dhe vajza nuk shpëtoi. Kjo njihet si zonë me prurje të menjëhershme, aq më tepër verës. Se kuptoj si nuk e kuptuan njerëzit brenda zhurmën e ujit” – tha ai.

Me mbërritjen e forcave RENEA, policisë lokale dhe Emergjencave Civile të parët që u shpëtuan ishin disa fëmijë. Ata ishin pjesë e një turi me 15 persona, por nuk dihet si janë ndarë nga të tjerët. Më pas u gjet trupi i pajetë i 25-vjeçares ndërsa ka pasur mjaft ankth për shpëtimin e dy të afërmve të saj që ndodheshin në shpellë.

Edhe policia ka dhënë detaje mbi tragjedinë në kanionin e Holtës. Edhe ajo bën fajtore rritjen e menjëhershme të rrjedhës.

“Në dalje të kanionit një vajzë rreth 25 vjeçe nga Lushnja është gjetur e pajetë si pasojë e rrëmbimit nga rryma e fuqishme e ujit, ndërsa dy të tjerë nuk kanë probleme për jetën. Edhe personat e tjerë që u gjetën më parë nga policia nuk kane probleme për shëndetin” – thuhet në njoftimin e policisë.

Në kanion këtë të diel kanë qenë 2 grupe turistësh. I pari ka pasur rreth 18 persona dhe i dyti ku gjendej edhe viktima ishin 15 persona. ©LAPSI.al

Lini një Përgjigje

Adresa juaj email s’do të bëhet publike.

Kthehu