Një gol në 95 ‘që merr shijen e hakmarrjes sociale. Dhe politike. Riyad Mahrez, autori i rrjetës në fund të ndeshjes kundër Nigerisë që dërgoi Algjerinë e tij në finalen e Kupës së Afrikës, ka dashur të festojë fitoren me një post të veçantë. “Goditja e lirë ishte për ju. Ne jemi së bashku”, shkruan lojtari në statusi ne shoqëruar me emoji të qeshura dhe flamurët krah për krah të Algjerisë dhe Francës.
😂😂😂 le coup franc était pour toi. On est ensemble 🇩🇿🇫🇷 https://t.co/nQrkYIrUU0
— Riyad Mahrez (@Mahrez22) July 14, 2019
Për të kuptuar se kujt i drejtohet, duhet të bëjmë një hap prapa. Pas gjysmëfinales së fituar me penallti nga kombëtarja e drejtuar nga Belmadi kundër Bregut të Fildishtë, mijëra tifozë algjerianë dolën në rrugët e Francës, për të festuar dhe për të krijuar kaos. Balanci ishte dramatik: një grua vdiq pasi u përplas nga një makinë e drejtuar nga një tifoz i cili festonte në Montpellier, njëzet oficerë u plagosën dhe 74 persona u ndaluan për përleshje. Ngjarje që shtynë Julien Odoul, eksponent politik rajonal i “Rassemblement National” (partia e ekstremit të djathtë e kryesuar nga Marine Le Pen), të transmetonte në Twitter mbështetjen e tij për Nigerinë (shoqëruar me fotografi të kundërshtarëve të tij) për të shmangur probleme të reja në ditën e Bastijës. Mahrez, i cili ka lindur në Sarcelles, periferi e Parisit, ka gjetur mënyrën e përsosur për “hakmarrje”.
Nata megjithatë u shënjua nga trazirat nga festimet e algjerianëve në qytetet kryesore franceze. Ministria e Brendshme njoftoi se kishte 282 të arrestuar, por sipas gazetës Le Monde, të ndaluarit gjithashtu kishin të bënin me incidentet që pasuan paradën e 14 korrikut. Në Paris dhe Marsejë, policia përdori gaz lotsjellës për të shpërndarë turmën, në Lyon u regjistruan më shumë se njëqind makina në flakë.