Është shtyrë sërish seanca gjyqësore për grupin “Shullazi” në Gjykatën për Krime të Rënda. Shkak për vazhdimin e kërtij ngërçi procedurial është bërë mungesa e avokatëve të caktuar nga gjykata.
Trupi gjykues i përbërë nga Albana Boksi në cilësinë e kryetares, Etleva Demo dhe Arben Vrioni si anëtarë, caktuan datën 26 korrik për mbajtjen e seancës së radhës.
Gjatë seancës, i pandehuri Gilmando Dani, kundërshtoi caktimin e gjyqtarit Arben Vrioni, dhe kërkoi përjashtimin e tij me pretendimin se ka konflikt interesi pasi ka gjykuar Vollgën në Apelin e Durrësit.