Dy grabitjet më të fundit në aeroportin e Rinasit kanë bërë që kopmpanisë së sigurisë ICTS të mos i rinovohet kontrata.
Menaxhimi i sigurisë në aeroport do të kryehet nga një tjetër kompani për të cilën është hapur një tender ndërkombëtar.
Javën e ardhshme pritet që të mbërrijnë nga jashtë përfaqësuesit e lartë të koncesionarit të cilët do të merren drejtëpërdrejtë me procedurat e menaxhimit të sigurisë në aeroport.
Nga ana tjetër, qeveria si masë për rritjen e sigurisë ka hartuar dhe një draft të ri mbi ndryshimet mbi kodin ajrortë vitit 2008.
Këto ndryshime parashikojnë se personeli i aviacionit që do të ketë akses në zonat me siguri të kufizuar do ti nënshtrohet vettingut.
Sipas draftit që është ende në faqen e konsultimit paraprak, ky proces përfshin kontrollin e përsëritur të së kaluarës për jo më pak se pesë vjet.
Ky filtrim i punonjësve do të kryhet nga ministria që mbulon çështjet e rendit publik, ndërsa Autoriteti i Aviacionit Civil do miratojë kriteret skualifikuese të lidhura me kontrollin e së kaluarës.
Një tjetër risi në projektligjin e ri është dhe krijimi i një strukturës së “Autoritetit të Investigimit” e cila për incidente apo ngjarje të rënda si ajo e grabitjes së Rinasit, ka të drejtë që të marrë në hetim personat e përfshirë, si dhe të hartojë edhe një raport që duhet t’ia paraqesë Këshillit të Ministrave.
Autoriteti i Investigimit do të jetë e pavarura nga drejtoria e aviacionit, të cilët mbikëqyrin vlefshmërinë ajrore, licensimin, operimin e një avioni, mirëmbajtjen, licensimin e personelit, kontrollin e trafikut ajror dhe operimin e aerodromeve.
Në draft parashikohen në total 165 nene, 18 më shumë se ai aktuali, ku kapituj të veçantë zënë raportimet e incidenteve dhe ngjarjeve të ndodhura si gjatë fluturimit të avionit apo dhe përpara nisjes.
Për thyerje të Kodit parashikohet vendosja e gjobave ku për individët penaliteti shkon deri në 200 mijë lekë të reja, ndërsa për subjektet varion nga 500 mijë deri 2 milionë lekë të reja.
Këto sanksione mund të shoqërohen edhe me pezullimin ose revokimin e licencës, certifikatës apo dëshmisë përkatëse.
Drafti është paraqitur për diskutim me grupet e interesit dhe pritet të kalojë në komisionet parlamentare për miratim.
Ligjet dhe rregulloret ekzistojne per ruajtjen dhe sigurine thjesht duhet deshira per ti zbatuar.E kane lejuar vet te vidhen mijera euro.Tashme gjasme po rregullojme ligjin e nenet.Nuk i ha daja keto bishtaja
Nje njeri qe vjedhe motren e tij, nuk i ben perdhtypje asgje,eshte punonjesit I avian civil Josifi.Te arrive tjetri te vjedhje familjen eshte e tmereshme.
E di qe e kam thene,por ka nje moter te mrekullueshme.