Në kampin Adazi në Letoni është vendosur një memorial për dy ushtarakët shqiptarë që humbën jetën gjatë zbatimit të misionit “Enhanced Forward Presence” të NATO-s.
Shpërthimi i një mine në këtë kamp i mori jetën nëntetares, Zarife Hasanaj dhe majorit Klodian Tanushi, i cili ishte komandanti i kontigjentit shqiptar. Major Tanushi ndërroi jetë katër ditë pas ngjarjes së rëndë në një nga spitalet e Letonisë për shkak të lëndimeve të shumta. Si pasojë e shpërthimit, mbeti i plagosur rreshteri Julian Kapaj.
Pak javë para ngjarjes, kontigjenti shqiptar fitoi garën e zhvilluar në bazën ushtarake “Camp Adazi” si ekipi me i mirë në vrap.