• |
ide | kryesore

Një vit nën ethet e vettingut, Zaganjori: Respektoj reformën në drejtësi

Arkiva, Lajme, Të fundit



Pas seancës në Kolegjin e Posaçëm të Apelimit, kreu i Gjykatës së Lartë, Xhezair Zaganjori tha se i kanë kërkuar që të paraqesë një sërë dokumentash të cilat i paraqiti sot. Në deklaratën për mediat teksa u pyet se “si është të jesh në procesin e Vetting-ut për gati një vit”, ai u përgjigj se është i qetë dhe kjo është një reformë tërësore dhe ka për detyrë ta respektojë.

“Sigurisht që unë jam shumë i qetë, sepse gjatë gjithë këtij procesi, jam përpjekur të bëj më të mirën që të paraqesë jo vetëm dokumentacionin, por t’iu përgjigjem pyetjeve. Kam paraqitur më shumë se 120 dokumente. Personalisht ndihem shumë i qetë në vetvete.

Duhet të presim që Kolegji i Apelimit të marrë në shqyrtim pretendimet e mia dhe Komisionerit Publik. Si unë si ju do të presim datën 26 për të marrë përgjigje. Unë theksova faktin se gjatë hetimit administrative, edhe gjatë gjykimit në seancë, dokumentet që janë kërkuar nga Komisioneri Publik unë i kam dhënë. Unë paraqita dokumentet dhe menjëherë më datë 10 korrik, dsia prej tyre janë cilësuar sikur s’kanë vlerë. Ata kanë vlerë, kanë vula, unë mendoj se duhet të merren në konsideratë. Ai që vendos është Komisioneri Publik”, tha ai.

Xhezair Zaganjori theksoi se nuk ndihet aspak në presion dhe se është dakord me synimin për të bërë një reformë tërësore gjyqësore.

“Detyra e Komisionerit Publik është të mbrojë interesin e publikut dhe në këtë mënyrë duhet të ngrejë probleme. Ajo që është dokument. Ka më shumë se 1 vit që jam në proces vettingu. Sigurisht që synohet të bëhet reformë dhe ne kemi për detyrë që të respektojmë këtë proces. Unë nuk e ndjej veten në presion. Gjykata e Lartë nuk funksionon për shkak të proceseve që dihen. Unë do të rri në atë zyrë për sa kohë më lejohet me ligj. Për shkak edhe të funksionit që kam, unë jam munduar që të jem i qartë dhe i drejtpërdrejtë në përgjigjet që kam dhënë. Procesin nuk e vlerësoj dot unë.”, deklaroi Zaganjori, kryetar i Gjykatës së Lartë.



3 Comments

  1. Po qe asistentin e vet Erjon Muharremaj e zgjodhi anetar te KLGJ e thote njeri? Erjoni eshte i nderuar si profesor ne ligjin nderkombetar, por ka zero eksperience pertej fakulteteve.
    Ka shkuar aty me influencen e Zaganjorit. Suksese Erjonit, por reforma eshte e kapur, bashke me te gjithe juristet qe perceptoheshin si te djathte. Erioni eshte OK me veten , se nen banak ka qene gjithmone i majte. Gjithsesi nuk ka nevoje per paragjykim. Une jam me Gjushin, qe thote ju doni te hidhni balte mbi kriminelet.
    Erjoni eshte nga rastet kur paragjykimi eshte i parakohshem, por i pashmangshem. Gjithsesi, basti im eshte qe do ngrihet mbi lidhjet e vjetra, se eshte cun Oksfordi.

  2. Nje kryetar i gjykates se larte qe te gjithe gjykatesit e tij mvartes jane shkarkuar!!! Vetem per kete fakt duhej te jipte dorheqjen.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *