Dy turistë gjermanë që kishin humbur rrugën në Kanionin e Gjipesë në Himarë, janë shpëtuar mbrëmjen e djeshme nga forcat policore.
Sipas informacioneve të komunikuar në njoftimin për shtyp të Policisë, turistët kanë lëshuar sinjalin “SOS”, duke u kërkuar ndihmë ekipeve të shpëtimit për të mundësuar daljen e tyre nga zona e vështirë ku ndodheshin.
Mësohet se pas një kërkimi prej disa orësh, turistët gjermanë janë gjetur në kanionet e kësaj zone në gjendje të mirë shëndetsore.