Dy shqiptarë janë arratisur nga një burg në Kassandra Halkidiki. Sipas mediave greke që nuk bëjnë të ditur identitetet e të arratisurve, shqiptarët ishin të dënuar me burgim të përjetshëm. Ata kanë munguar në apelin e mëngjesit të së martës.
Administrata e burgjeve njoftoi policinë që është vënë në kërkim të shqiptarëve. Kërkimet janë duke u përqendruar në kufi, dogana, aeroporte, etj. Në këtë burg nuk kishte masa të forta sigurie dhe të burgosurve u ofrohej punë. ©LAPSI.al