Ashtu sikurse u lajmërua pak më parë, presidenti i Republikës, Ilir Meta, është paraqitur para Gjykatës Kushtetuese për të depozituar kërkesën për të shpallur antikushtetues ligjin për shembjen e godinës së Teatrit Kombëtar.
Kërkesa e kreut të shtetit vjen pas tensioneve që përshkallëzuan në përplasje fizike mes protestuesve të shumtë, artistëve kundër shembjes së Teatrit dhe forcave policore.
Zyra për shtyp e Presidentit bën me dije se “Presidenti i Republikës Sh.T.Z Ilir Meta do të shkojë sot në ora 13:00 në Gjykatën Kushtetuese për të depozituar kërkesën për shpalljen antikushtetuese të ligjit për shembjen e godinës së Teatrit Kombëtar”.
Pak më herët ditën e sotme, Meta reagoi lidhur me ngjajren në një postim në faqen e tij zyrtare në “Facebook”, ku e ka quajtur të turpshëm rrethimin e godinës së Teatrit nga forcat e Policisë dhe përplasjen fizike mes tyre dhe komunitetit të artistëve.
Në postim, Meta shkruan se kjo është një ngjarje e shëmtuar dhe e turpshme, duke i bërë thirrje Policisë që të respektojë artistët dhe të mos ushtrojnë dhunë fizike ndaj tyre.
Sipas kreut të shtetit, “as sampistët e Ramoz Alizës nuk e kanë prekur me dorë Edmond Budinën në dhjetor të ’90”.
Ndërkohë, artistët prej rreth një jave kanë vendosur të qëndrojnë 24 orë pa ndërprerje në sheshin e Teatrit, pasi kanë marrë informacione se nga dita në ditë pritet ndërhyrja për shembjen e godinës.
Ditën e sotme, qendresës së tyre iu bashkuan politikanë nga radhët e opozitës së bashkuar joparlamentare, përfshirë edhe kryedemokratin Lulzim Basha, i cili deklaroi se së shpejti do të ketë një marrëveshje midis opozitës dhe artistëve në lidhje me Teatrin.
tni ku loqja do kapet mbas cdo fije bari per tu dukur patriot . Pse nuk shkoi ‘ kushtetuese’ ky hajdut per gjithe ato probleme dne skandale qe ka pasur shqiperia ?
Shpetimtari i teatrit , Like floriri .. pupupupu…
Patrioti i madh qe takoi Haradinaj . Like floriri
Mbrojtesi i kushtetues . Like floriri.
Zgjidhesi i krizave . Like floriri..
Hapu dhe te futem i thone kesaj pune.