Kryeministri i dorëhequr i Republikës së Kosovës, Ramush Haradinaj, sapo ka përfunduar intervistimin nga prokurorët e Dhomave të Specializuara në Gjykatën Speciale të Hagës.
Në një dalje për mediat, Haradinaj u shpreh se ka qenë i ftuar në cilësinë e të dyshuarit, si një nga drejtuesit kryesorë të UÇK-së dhe se nuk ia lejon këshilla ligjore që të japë detaje lidhur me pyetjet që i ishin drejtuar.
“Arsyeja e dorëheqjes ka të bëjë me nocionin e shtetit e sovranitetit. Nuk kam dashur ta sjell kryetarin e shtetit këtu. Meqenëse, shteti ka mbetur shtet dhe meqenëse nuk kam obligime do të kthehem si të gjithë kolegët tjerë në politikë, t’u ofrohem qytetarëve. E kam bërë atë që e kam vlerësuar të rëndësishme, sepse kryetari i Qeverisë kur del para hetuesve ka dalë Qeveria, shteti, duhet të kemi kujdes për këtë. Kam dhënë shembull të respektimit të ligjit. Nuk po jap leksione, e kam bërë detyrën time”, ka për,byllur Haradinaj.
https://www.facebook.com/dw.shqip/videos/2372922469615523/?v=2372922469615523