Policia e Sarandës ka arrestuar në flagrancë një shtetas 28 vjeç, banues në Tepelenë, për “Shkeljen e rregullave të qarkullimit rrugor”.
Arrestimi i tij u bë pasi ditën e djeshme në aksin rrugor Gjashtë-Sarandë, 28-vjeçari duke drejtuar automjetin e tipit “Mercedes Benz”, është përplasur me një automjet të llojit “Land Rover”, me drejtues një shqiptar nga Kosova me iniciale, B.B.
Si pasojë e përplasjes kanë mbetur të dëmtuar dy drejtuesit e mjeteve dhe gjashtë pasagjerë, të cilët janë jashtë rrezikut për jetën.
Materialet proceduriale në ngarkim të të ndaluarit i janë referuar Prokurorisë për ndjekjen e veprime të mëtejshme.