Vetëm pak ditë më parë, Sophie Turner dhe Joe Jonas kanë marrë lajmin e hidhur se qeni i tyre, Waldo Picasso, ka ndërruar jetë pas një aksidenti të rëndë të rrugët e New York-ut.
Sipas ‘TMZ’, shoqëruesi i tij e kishte nxjerrë Waldon për një shëtitje, por ky i fundit ishte trembur dhe kishte përfunduar në mesin e trafikut, ku dhe ishte përplasur nga një makinë. Një përfaqësues i Joe e ka quajtur këtë aksident si diçka të tmerrshme, ndërsa përsa i përket Joe dhe Sophie, ata ende nuk kanë dhënë asnjë deklaratë publike për humbjen e tyre. Aktorja dhe këngëtari i njohur kanë një dashuri për kafshët, duke qenë se Waldo nuk është qenushi i vetëm që kanë adoptuar.