• |
ide | kryesore

I papuni më i dëshiruar në Gjermani bën të ëndërrojë Fiorentinën

Sport

Një ëndërr, nga ato mbi të cilat arsyetohet edhe kur zgjohesh. Sepse është romantike, sepse është stimuluese. Franck Ribery është i papuni më i dëshiruar në Gjermani, e ndoshta më i kërkuari në gjithë Europën. Sipas asaj që bën të ditur Bild, mes ofertave të mbërritura për francezin, e fundit, por jo më pak interesante është ajo e Fiorentina, që kërkon ti japë imazh skuadrës me lojtarin që ka zgjidhur kontratën në 30 qershor me Bayern Munchen, klub për të cilin ka luajtur për 12 vjet (425 prezenca, 124 gola) duke fituar 24 trofe. Kurrë asnjë lojtar, gjerman apo i huaj, nuk e ka fituar më shumë Bundesliga (9 suksese). Për këtë motiv, pavarësisht shumë ofertave në Gjermani, idea e Ribery është të provojë një aventurë jashtë kufijve.

Mbi Ribery është i fortë interesimi i Eintracht Frankfurte që në ditët e kaluara ka kontaktuar Alain Migliaccio, prokuratorin e francezit, për të parë mundësinë e transferimit. Franck kërkon të arsyetojë, sepse nuk dëshiron të përballet me Bayern si kundërshtar. “Në këto muaj, kam marrë shumë oferta, kam ende dëshirë të luaj kështu që së shpejti do të marr një vendim”, ka shpjeguar Ribery. Francezi, i kontaktuar edhe nga klube arabë e kinezë, duke qendruar në Europë duhet të pranojë një reduktim të fortë të pagës. Deri në 2018 Franck e kishte rrogën 15 milionë në vit. Në sezonin e fundit ra dakord të fitonte 7, që sidoqoftë është një pagë prej lojtari elitar për klube si Eintracht e Fiorentina. Por për të realizuar një ëndërr ndonjëherë është e nevojshme edhe të shpenzosh…


Lini një Përgjigje

Adresa juaj email s’do të bëhet publike.

Kthehu