• |
ide | kryesore

Ofendime raciste ndaj Sterling: ekspertë të leximit të buzëve ndihmojnë Chelsea të marrë vendimin…

Sport

Chelsea ka vendosur të përjashtojë përjetë nga Stamford Bridge tifozin që, në ndeshjen e 8 dhjetorit kundër Manchester City, ka drejtuar ofendime raciste në drejtim të sulmuesit të Citizens Raheem Sterling. Stadium i ndaluar, për një periudhë nga një në dy vjet, për 5 tifozë të tjerë Blues, për përdorim të një gjuhe ofensive e një komportimi kërcënues e agresiv. “Toleranca zero kundër episodeve të racizmit” bën të ditur klubi londinez.

Ndërsa policia angleze nuk kishte sinjalizuar asnjë masë penaliteti në lidhje me sjelljen e diskutueshme të tifozit, Chelsea ka shkuar përpara në rrugën e tij e, pas një hetimi të kujdesshëm të brendshëm (me video, dëshmi e deri konsulencë të dy ekspertëve të leximit të buzëve), ka vendosur për dënimin më të rëndë e ndoshta më të dhimbshme për tifozin në fjalë, duke e larguar përjetësisht nga stadiumi. Si gjithnjë në vijë të parë kundër cdo forme diskriminimi, klubi anglez ka dhënë një shembull të madh që duhet marrë shembull.

KOMUNIKATA E CHELSEA
“Chelsea Football Club ka vendosur sanksione kundër 6 personave për sjelljen e tyre gjatë ndeshjes sonë me Manchester City në Stamford Bridge në 8 dhjetor 2018. Klubi ka vonuar në vendimin e tij në mënyrë që të mos ndikonte në hetimet e policisë.

Crown Prosecution Service ka bërë të ditur së fundmi se ka zgjedhur të mos bëjë asnjë procedim penal. Kjo i ka lejuar klubit të bëjë hetimin e tij, mes të cilëve përfaqësimi i personave të interesuar, revizionimi i provave video, intervista me dëshmitarë të mundshëm e opinioni i ekspertëve që lexojnë buzët. Të gjithë personave të sanksionuar i është ofruar e drejta të prezantojnë ankimim.

Një individ është përjashtuar përfundimisht nga Stamford Bridge për përdorimin e një gjuhe raciste dhe një sjellje kërcënuese e agresive. Ndërsa Klubi pajtohet me vendimin e CPS, pyetja që duhej të ishte përcaktuese nuk ishte nëse ishte kryer një krim, por përkundrazi nëse individi kishte vepruar në kundërshtim me kushtet dhe rregullat e lëshimit të biletave. Në këtë drejtim, Klubi operon sipas standardit të ligjit civil, i cili është plotësisht i ndryshëm nga standardi penal. Në marrjen e vendimit të tij, Klubi mori në konsideratë mohimin e bërë nga individi, megjithë një seri provash të tjera, përfshirë video dhe raportin nga dy ekspertë të leximit të buzëve – të dy ata panë se si individi kishte shqiptuar fyerjet raciste.

• Pesë persona u përjashtuan përkohësisht nga pjesëmarrja në Stamford Bridge për periudha prej një deri në dy vjet për shkak të përdorimit të gjuhës fyese dhe sjelljes kërcënuese dhe agresive. Njerëzit që kanë marrë përjashtimin më të shkurtër e kanë bazuar në faktin se ata siguruan angazhime për sjelljen e tyre në të ardhmen.

Ne e kuptojmë që ky incident ka qenë temë diskutimi mes tifozëve dhe Klubi e merr parasysh faktin që emocionet mund të rriten gjatë lojërave. Sidoqoftë, në këtë rast sjellja e të gjashtë individëve ka tejkaluar kufirin e asaj që është e pranueshme. Në rastin e tifozit që përdori gjuhë fyese raciste, mendojmë se nuk ka vend për këtë sjellje në Stamford Bridge dhe një përjashtim i përhershëm ishte sanksioni i duhur. Duke pasur parasysh rrethanat e veçanta, Klubi nuk e konsideroi që pjesëmarrja në një kurs arsimor në këmbim të një gjobe të zvogëluar do të ishte e përshtatshme.

Klubi i Futbollit Chelsea i gjen të neveritshme të gjitha format e sjelljes diskriminuese dhe ne do të vazhdojmë të zbatojmë një qasje të tolerancës zero ndaj incidenteve të mundshme të racizmit. Ne jemi krenarë që jemi një klub i larmishëm dhe gjithëpërfshirës ku njerëzit e të gjitha kulturave, komuniteteve dhe identiteteve ndjehen të mirëpritur. Ne jemi të qartë dhe të qëndrueshëm në dënimin e sjelljes diskriminuese dhe gjuhës dhe, të gjithë tifozët, duhet të mbajnë mend se fjalët dhe veprimet e tyre mund të fyejnë ata përreth tyre dhe komunitetin në përgjithësi. Ne do të vazhdojmë të punojmë me mbështetësit tanë për të çliruar lojën nga të gjitha format e diskriminimit”.

Lini një Përgjigje

Adresa juaj email s’do të bëhet publike.

Kthehu