VIDEO/ “Njeriu që fluturon” përshkon kanalin e La Manshit për 23 minuta

Pas një tentative të dështuar në 25 korrik, 40-vjeçari nga Marseja, Frank Zapata, ish-kampioni botëror i jetski, ka arritur të kalojë me fluturim Kanalin e La Manshit me Flyboardin e tij. Zapata u ngrit në fluturim të dielën në mëngjes nga plazhi i Sangatte, pranë Calais dhe është ulur pas 23 minutash në bregun e St Margaret’s në Cliffes, në Dover. E pajisur me 5 turbina të vogla, Flyboard mund të arrijë shpejtësinë deri 190km/orë. Kalimi i kanalit të La Manshit është bërë i mundur në 23 minuta, pas një ndalese të shkurtër në gjysmë të rrugës, mbi një barkë, për t’u furnizuar me karburant.