Një ngjarje e rëndë raportohet të ketë ndodhur mbrëmjen e djeshme në qytetin e Milanos. Një shtetas shqiptar, identiteti it ë cilit nuk është bërë ende i ditur, ka goditur me thikë kolegun e tij polak me të cilin bashkëndante apartamentin.
Nga mbulimin i ngjarjes prej mediave fqinje, mësohet se ngjarja e rëndë ka ndodhur pas një grindjeje për motive banale. Pas përshkallëzimit të debatit, shqiptari e ka goditur disa here me thikë kuzhine shokun e tij të dhomës, 34 vjeç.
Agresori e goditi viktimën në bark dhe në pjesë të tjera të trupit, pa cënuar organet e tij jetësore. 34-vjeçari u shpëtua nga ndihma e shpejtë mjekësore.
Ndërsa, shqiptari është larguar menjëherë nga vendngjarja pas aktit makabër dhe tashmë është në kërkim nga Policia.