Modelja e njohur Emily Ratajkovski ka pozuar për numrin e shtatorit të revistës “Harper’s Bazaar” në një foto bardhezi. E veçanta e kopërtinës qëndron në fokusim e fotos, ku modelja shfaqet me njërën sqetull të padepiluar.
Emily flet për feminizmin dhe trajtimin social të seksualitetit femëror dhe shprehet se kjo është plotësisht e drejta saj. Fotoja ka vetëm pak orë që është publikuar në llogarinë e Instagramit të revistës prestigjoze dhe menjëherë kanë vërshuar komentet kritikuese të ndjekësve.
Disa e quajnë “të shpifur” ndërsa të tjerë “hipokrizi” të kesh sqetulla të padepiluara në një kohë që ke një pamje kaq të kururar. “Kjo është ajo që ne e quajmë hipokrizi. Me fytyrën tuaj të përsosur dhe trupin e përsosur, kështu që mjaft u shtirët”, shkruan një komentuese.
