Romelu Lukaku është ylli i madh i merkatos së Inter. Pas një tratative të gjatë me Manchester United, sulmuesi mbërriti tek zikaltrit dhe është gati për një eksperiencë të re. Në ditën e startit të Bundesligës, portali gjerman t-online ka intervistuar qendërsulmuesin belg:
Lukaku di të flasësh edhe gjermanisht, si ka mundësi?
“Të flas gjermanisht më duket e tepruar. E kam mësuar në shkollë, por nuk isha shumë i zoti. Është e ngjashme me gjuhën hollandeze, kështu që kuptoj shumë pak”.
Cilat fjalë gjermanisht kujton nga ditët e tua të shkollës?
“Përshëndetje”, “Në rregull” e “Jam Romelu Lukaku e jam 26 vjec”.
Cilat janë tre gjërat që të vijnë më parë në mendje kur mendon për Bundesligën?
“Tifozë të apasionuar, stadiume fantastikë e një kampionat që të ofron mundësi”.
Je një yll botëror e njeh shumë lojtarë të tjerë nga kampionatet më të mira europiane. Sa vlerë ka aktualisht Bundesliga jashtë?
“Bundesliga është një nga kampionatet më interesantë, sepse ka skuadra si Borussia Dortmund e Schalke 04, ku mund të shohësh shumë të rinj të talentuar”.
Në të njëjën kohë, skuadrat e Bundesligës e kanë të vështirë të tërheqin yjet e mëdhenj, si ti, në kampionat. Përse këta lojtarë nuk duan të luajnë në Gjermani?
“Mendoj që klubet e Bundesligës duhet të thyejnë barrierën. Ndoshta një skuadër duhet të paguajë më shumë se 100 milionë euro për një lojtar. Megjithatë respektoj faktin që duan të rrisin lojtarët e akademive të tyre. Ata janë super yjet e të ardhmes”.
Axel Witsel është miku yt i vjetër. Të ka treguar cfarë kërkon të arrijë këtë sezon me Dortmund?
“Axel është një nga miqtë e mi më të mirë e flasim gati cdo javë. Është mëkat që nuk e fitoi kampionatin sezonin e kaluar. Por është një lojtar ambicjoz e i përqendruar në fitimin e titullit”.
Së bashku me të luan për kombëtaren. Çfarë dëshiron të arrish me Belgjikën?
“Duam të bëjmë më mirë se në Botërorin e 2018 (Belgjika për pak nuk mundi Francën në gjysëmfinale), hap pas hapi e me koerencë. E duhet ti tregojmë lojtarëve të rinj se të luash për Belgjikën nuk është dicka e vogël”.
Gjermania zhgënjeu në Botërorin e 2018. Çfarë mendimi ke për skuadrën aktuale gjermane?
“Gjermania aktualisht po rinovon skuadrën dhe i uroj atyre më të mirën për këtë gjë”.
Në futbollin profesionist dihen shumë gjëra për privatësinë e yjeve.
“Askush nuk merret shumë me mua. Mendoj se kjo është mënyra e duhur për mua, të zbuloj pak”.
Gjatë fëmijërisë, familja jote nuk kishte shumë para. Dikur ke thënë se për ty ka qenë e vështirë. Cfarë doje të thoshe ekzaktësisht?
“Jam rritur në rrethana të vështira, por edhe kjo gjë pati anët pozitive”.
Cfarë do të thuash?
“Nuk mendoj se jam i vetmi që jamë rritur në një situatë të tillë. E kjo më ka dhënë një mentalitet të fortë. Nuk më interedson se cfarë mendojnë të tjerët për mua. Vazhdoj të bëj më të mirën timen. E vetmja gjë që nuk më pëlqen, janë njerëzit e parespektueshëm”.
Cfarë kujton nga fëmijëria?
“Më pëlqente të luaja futboll. Duke parë prapa, vlerësoj edhe gjërat që më është dashur të kaloj, sepse më kanë bërë personin që jam sot”.