Një banesë pranë ish-Rajonit të Policisë në qytetin e Durrësit është përshirë nga flakët mëngjesin e sotëm.
Sipas informacioneve paraprake, shkak për flakën është bërë aspiratori, që ishte harruar ndezur për një kohë të gjatë.
Mësohet se në banesë jetonte me qira një familje. Në momentin e rënies së zjarrit, për fat të mirë kryefamiljarët dhe fëmijët nuk gjendeshin në shtëpi.
Ndërsa, në banesë ndodhej vetëm qeni i tyre.
Ndërkohë, në vendngjarje ka mbërritur shërbimi zjarrfikës që ka mundur të vërë nën kontroll situatën.