36-vjeçari i shoqëruar mëngjesin e sotëm në Komisariat nga Policia e Librazhdit, pasi theu xhamin e derës së jashtme të një banke të nivelit të dytë, vuan nga çrregullime të shëndetit mendor.
Në këto kushte, i ndaluari, emri i të cilit nuk bëhet me dije, nuk dyshohet për tentativë vjedhjeje të bankës.
Pas rënies së alarmit të bankës, është informuar Policia që ka shkuar në vendngjarje dhe ka shoqëruar 36-vjeçarin në Komisariat.
Ndërkaq, vijojnë hetimet për sqarimin e rrethanave të ngjarjes.