Rrjetet sociale prej kohësh janë bërë tashmë si zyr shtypi poër futbollistët, që sidomos në kohë merkato arrijnë të bëjnë zhurmë, qoftë edhe me një postim. Natyrisht, hapësira është edhe për ti dhënë përgjigje ngacmimeve të ndryshme, apo cështjeve që i shqetësojnë. Pikërisht si bëri kampioni i botës Antoine Griezmann, që nuk mund të mos reagonte.
Gjithcka nisi nga një tweet i RMC Sport. Portali francez ka publikuar një artikull në të cilin pretendon se, pavarësisht fytyrës së qetë e të relaksuar, blerja e re e Barcellona është shumë i shqetësuar nga rikthimi i mundshëm i Neymar në Katalonjë. Ardhja e brazilianit do ta reduktonte ndjeshëm mundësinë e Griezmann për tu futur në formacionin titullar të Valverde. Me një treshe sulmi të konsoliduar si ai i përbërë nga Messi, Suarez e O’Ney, që i dhuroi tripletën e fundit blaugrana, edhe një kampion bote do ta kishte të vështirë të gjente vend në formacion.
Euh… ?? Comment vous savez ? ?
— Antoine Griezmann (@AntoGriezmann) August 21, 2019
Vetëm se kjo nuk është absolutisht e vërtetë sipas Djallit të Vogël, që në vend të sulmojë, ka vendosur të përgjigjet me ironi e humor po në Twitter, duke komentuar si një ndjekës i zakonshëm i portalit, që kishte publikuar artikullin. “…si e morët vesh?” që është dukshëm një tallje. Tifozët e francezit e kanë pëlqyer shumë ndërhyrjen e lojtarit të Barcellona. Mënyra më e mirë për të treguar se mendimet e konsideratat personale vështirë se mund të kuptohen pa një shpjegim të vetë të interesuarve!