Me siguri shumica prej jush e mbajnë mend serialin e famshëm për adoleshentë, “Lizzie McGuire”, me aktoren Hilary Duff në rol kryesor.
Ajo luante rolin e një 15-vjeçareje, e cila së bashku me problemet e dilemat e moshës, përballej çdo ditë me jetën e saj.
Lajmi i mirë për fansat e këtij seriali është se ai do të rikthehet sërish, pas 15 vitesh mungesë në ekran.
Këtë herë, Hilary do të luajë rolin e Lizzie-t 30-vjeçare, e cila tashmë është më e sigurt në vetvete.
Ajo do të bëjë punën e ëndrrave, do të ketë një buxhet më të madh dhe do të ketë në krahë të dashurin perfekt, i cili punon në një restorant në Soho.
Megjithatë, ajo ende do të jetë në kërkim të asaj që do të bëjë më pas.
Seriali i ri “Lizzie McGuire” do të transmetohet në “Disney+”.