• |
ide | kryesore

Vrasja e të riut, gjykata merr vendim për dëshmitarin

Lajme, Të fundit

Gjykata e Tiranës caktoi masën “arrest me burg” për 27-vjeçarin Lorenc Veliaj, dëshmitar i vrasjes së punëtorit të kondicionerëve Indrit Çelaj 2 ditë më parë në vilën e familjes Kusi në rrugën ‘’Muhamet Gjollesha’’.

Ai akuzohet se ka bashkëpunuar me autorët e krimit Griseldo dhe Albano Kusi, të cilët u konfliktuan me viktimën duke e qëlluar me plumb në kokë.

Veliaj, i cili kishte njohje shoqërore me dy vëllezërit, mori përsipër autorësinë e krimit. Por, në mbrëmjen e së enjtes, kur u arrestua nga policia, ai dëshmoi të gjithë ngjarjen e ndodhur duke zbuluar autorët e krimit.

Për këtë krim makabër, janë arrestuar Bujar Kusi, babai i autorëve të vrasjes, për fshehjen e krimit, Ferdinand Bakallin e Luan Çakën për ‘’moskallëzim të krimit’’ si dhe Edmond Sulën, si bashkëpunëtor në vrasje.

Dy ditë pas ngjarjes tronditëse, vëllezërit Kusi ende nuk janë kapur nga policia.

Lini një Përgjigje

Adresa juaj email s’do të bëhet publike.

Kthehu