Partizani është më shumë se një klub futbolli, për atë që përfaqëson klubi i kuq dhe për atë që reflekton tek tifozët e tij të shumtë. E pikërisht për këtë fakt, Partizani del përtej fushave të blerta, duke u bërë një me tifozët, si në rastin e djaloshit Renis Muça, që ndodhet në gjendje kome, pas një aksidenti rrugor.
Prej gati një muaji 14 vjecari është në reanimacionin e Spitalit Ushtarak të Tiranës, në rrezik për jetën, pas dëmtimeve cerebrale të pësuara në aksident. Renisi ka nevojë për ndihmë dhe klubi Partizani është aktivizuar në ndihmë të djaloshit, duke e bërë rastin publik në faqen zyrtare të klubit në Instagram, duke bërë apel për sensibilizim.