“Jam i kënaqur për fitoren!! Forca Inter”. Ekzaltohet në Instagram Romelo Lukaku, pas debutimit me Inter dhe golit të parë të shënuar në pokerin me të cilin zikaltrit e Antonio Conte likuiduan Lecce, në San Siro. Sulmuesi i ardhur nga Manchester United po tregon lumturinë e tij në kampionatin italian, ku ka gjetur ngrohtësinë e madhe të tifozëve dhe besimin e një shoqërie, që po e ndihmon të kthehet në nivelet e larta. Pastaj, në një tjetër postim, sulmuesi belg ka treguar edhe njëherë golin e tij spektakolar gjatë nxemjes, e përshëndetur me ovacionet e tifozëve. Mes komenteve të para shfaqet ish-interisti Radja Nainggolan: “Topper”.