Nuk kishte dyshime, por edhe ata që mund të mendonin se Flamurtari mund të bënte dicka përballë Kukësit janë detyruar të ndryshojnë mendim që në mesin e pjesës së parë. Kuqezinjtë janë kaq të brishtë sa në pjesën e parë u panë vetëm një herë, 5 minuta nga fundi, edhe atëherë Hoxhaj ishte në pozicion jashtë loje. Një show i Shkurtaj në Vlorë, në qytetin e lindjes, vlonjati u ekzaltua duke hapur serinë e golave në pjesën e parë, duke kompletuar dygolëshin personal, e duke trembur Gocajn të shënonte të tretin në portën e tij.
Shpëtim Duro kthehej në qytetin që kishte drejtuar pr herë të fundit në Superiore, por kthimi i teknikut nuk ishte kaq nostalgjik: tre herë shënoi Kukësi në portën kuqezi, duke arritur Skënderbeun në vendin e parë të klasifikimit. Mocka e kuptoi që herët se do të ishte një mbrëmje e vështirë, por portieri priti cdo gjë që mund të pritej deri kur Shkurtaj e ndëshkoi në minutën e 23. Pa Musollin mesfusha e Bluve nuk pati asnjë problem, me Rrocën gjithcka-bërës e me Gavazaj që priste vetëm momentin kur do të kishte në krahun e kundërt ish-bashkëlojtarin te Skënderbeu, Kristal Abazaj. E momenti do të vinte, vetëm tre minuta pasi Shkurtaj siguroi rezultatin për Kukësin.
Ish-lojtari i kombëtares nuk mund të mos linte shenjë në debutimin e tij me fanellën blu. harkim drejt Shkurtajt dhe Gocaj bëri punën e sulmuesit, duke e dërguar topin në rrjetë për herë të tretë. Gjithcka shkon si duhet për Duron, që fiton pikët e plota dhe kohën e duhur për të konsoliduar edhe më shumë skuadrën.