Një turist polak është rrëzuar nga maja e Harapit në zonën Theth pasditen e kësaj të enjteje. Gjendja shëndetësore e tij është e rëndë dhe për nxjerrjen e tij është kërkuar ndërhyrja nga ajri.
Sipas News 24, turisti ka rënë nga një lartësi e konsiderueshme teksa mësohet se ka thyer këmbët.
Njoftimin për ngjarjen e kanë bërë vetë banorët e zonës. Mësohet se turisti që është rrëzuar është alpinist dhe ka qenë duke ngjitur majën e Harapit në momentin kur ka rënë nga lartësia.