Detaje të reja janë zbuluar nga konflikti mes dy familjeve në Fier, që u përshkallëzua në të shtëna me armë zjarri në ambientet e Spitalit Rajonal të qytetit.
Mësohet se i lënduar ka mbetur Gentian Zhapa 33 vjeç, i plagosur me levë në përleshjen e nisur mes dy grupeve të rinjsh në Levan. Ndërsa, i ati, që po e shoqëronte drejt spitalit për të marrë ndihmën e nevojshme mjekësore, është plagosur me armën që agresori ia kishte marrë nga brezi policit të patrullës.
Pak më herët, i pyetur nga gazetarët, drejtori i Policisë së Fierit, Andon Marko, ka bërë me dije se janë shoqëruar në Komisariat 2 persona dhe janë ngritur pika kontrolli në qytet , për kapjen e 2 të tjerëve, tashmë të identifikuar.
Në vendngjarje ndodhen edhe Forcat e Ndërhyrjes së Shpejtë (FNSH) dhe Policia e Fierit, që është vënë në kërkim të autorëve, duke ngritur pika kontrolli në qytet.
Në sherrin e ndodhur mes dy familjeve, kanë mbetur të lënduar 4 persona, 1 me armë, 2 me mjete prerëse dhe 1 me sende të forta.