“Lapsi.al” ka mundur të sigurojë një foto të 35-vjeçarit, Arjan Shahaj, i cili vrau me sëpatë të atin, Iljaz Shahajn, pas përshkallëzimit të një konflikti verbal mes tyre, teksa kishin dalë në pyll për të bërë dushk për bagëtitë.
Krimi i rëndë në familje ndodhi paraditën e sotme në fshatin Shalës në Memaliajt. Mësohet se 35-vjeçari ka tentuar pak kohë më parë të vrasë një kushëri, ndërsa në vitin 2003 ka tentuar po ashtu të vrasë edhe të ëmën.
Shahaj gjithashtu rezulton të ketë qenë i dënuar me 12 vite burg në vitin 1998, pasi ka tentuar të vrasë një bashkëfshatarin e tij. Për shkak të moshës minore dhe për shkak se vepra penale nuk pati pasoja për palën tjetër, autori nuk e ka kryer të gjithë dënimin.
Pas kryerjes së krimit paraditen e sotme, autori është larguar nga vendngjarja.
Ndërkohë, forcat policore janë vënë në ndjekje të tij.